فضیلت آخری آیات سورہ بقرہ

نعمان بن شبیر رضی اللہ عنہما سے روایت ہے رسول اللہ صلی اللہ علیہ وسلم نے فرمایا کہ اللہ تعالی نے آسمان و زمین کی پیدایش سے دو ہزار برس پہلے ایک کتاب لکھی،اس میں سے دو آیتیں اتاریں جن پر سورہ بقرہ کا اختتام کیا۔یہ دو آیتیں جس گھر میں تین دن پڑھی جایں شیطان اس گھر کے قریب بھی نہیں آ سکتا۔(ترمزی۔دارمی)۔

ابن عباس رضی اللہ تعالی عنہما سے روایت ہےکہ حضرت جبریل رسول اللہ صلی اللہ علیہ وسلم کی خدمت میں خاضر تھے کہ نبی صلی اللہ علیہ وسلم نے آسمان کا دروازہ کھلنے کی آواز سنی۔آپ صلی اللہ علیہ وسلم نے سر اٹھایا اور فرمایا ۔"آسمان کا یہ دروازہ آج سے پہلے کبھی نہیں کھلا"ا

اس سے ایک فرشتہ نازل ہوا تو آپ ٌ نے فرمایا

یہ فرشتہ بھی آج سے پہلے کبھی نازل نہیں ہوا"۔

اس فرشتے نے سلام عرض کرنے کے بعد کہا،آپ کو ان دو نوروں کی بشارت ہو جو آپ سے پہلے کسی نبی کو نہیں دیے گیے۔

ایک فاتحہ کتاب(الحمد شریف)اور دوسرے سورہ بقرہ کی آخری آیات۔

اس میں سے جو حروف بھی پڑھیں گے اسی سے آپ کو نوازا جاے گا(یعنی سب دعایں جو ان آیات میں ہیں قبول ہوں گی)۔

(مسلم شریف)